XX. mendeko Euskararen Corpus estatistikoa

Testuingurua

4. GIDA.

ARRAIN BATEN ESTUDIOA.

1. ESPERIENTZIA.

Ariketa honetan zehar txitxarroaren disekzioa egingo duzu.

Materiala: - Txitxarroa.

- Disekzioko tresna-sorta.

- 20 x 20 cm.ko plastiko-puska.

Prozedura: Ipini ezazu txitxarroa plastiko gainean etzanda.

Har itzazu disekzio-guraizeak eta egizu albo-disekzio bat uzki-hegatsetik hasita, hormirudiak erakusten duen bezala.

Kontu handia izan behar duzu barruko organoei kalterik ez egiteko.

Eginkizunak.

Apunta itzazu txitxarroaren kanpoko ezaugarriak (kolorea, ezkatak, hegatsak, zakatzak etab.).

Apunta ezazu ikusi dituzun barruko organo bakoitzaren izena, eta orobat berorietako bakoitzaren kolorea ere.

Oharra: Behin disekzioa amaituz gero, kontu izan laborategiko mahaiak garbi uzteko, disekzioko tresna-sorta ere ondo garbitu ondoren txukun jasotzeaz ahaztu gabe.